Iz isches scho so wiit. Mi letschti Tag in New Zealand hüt. Es isch ungloubläch schnäu verbii gange. Ig ha die letschtä 2 wuchä no in Nelson verbracht. Woni vornes paar Wuche Nelson ha verlah, um die räschtlichi Südinsle zerkunde hani gwüsst gha dasi unbeding, irgendwie nomau uf Nelson zrügg muess. Das hetmr sooo guet gfaue det. Ig ha drum zimli Gas gä ungerwägs u bi de tatsächläch am 11. Februar zrügg gsi in Nelson
Am 12. Februar hani de mi Skydive Sprung gha. Da ig ha extremi Höheangst ha isch das e Wahnsinns Herusforderig gsi für mi. Ig ha no nie so schiss gha i mim läbä. D jungs und Medels vo Abel Tasman Skydive (www.skydive.co.nz) si aber super xi und heisech great u mi kümmeret. Dr Sprung isch de absolut dr Wahnsinn xi. Usemne Flugzüg zgumpä uf 16'500 Feet isch nid zbeschriibä. Ig wirde gloub niemeh i mim läbä sone adrenalin kick ha wie det. Und dUssicht isch wooooooooooow xi. Abel Tasman, Nelson, Bärgä, Türkis farbigs wasser. Hammer.
Ig ha 3 Täg später no e mega kick gha
Die nächschte 5 Täg hani de wider Kite surf Lessons bim Warren & bir Wiebke gno. Was natürli ou extrem viel spass het gmacht. Kitesurfä chönntsäch zumne nöie Hobby entwicklä.....wenns nur nid so verdammt tüür wär Sponsorä si Härzläch Willkommä!
Ja ig ha hie super liebi Lüüt kennäglehrt und bi mit denä jedä Tag am Strand zämä xi und am obe ischmä zämä ufä Camping Platz und het det zämä köchärlät, Bierli trunkä, und über New zealand plöidärlät.
Am 20. Februar hätti die mis Outo in Christchurch söue abgä. Es hetmr in Nelson aber so gfalle, dasi mit Outovertrag no bis am 23. Februar ha verlengeret. Ja. Dank däm bini de nid in Christchurch xi, wo das Horror Erdbebe am 22.2. isch xi.
Nelson isch us es paar Gründ ganz ä spezielle Ort für mi worde. Aber das isch sicher dr heftischt!
Ig ha natürläch unger denä umstäng uf kei Fall nach Christchurch wöue, häts ou nid chönnä, sie hei niemer id Stadt gla. Ig ha drum mi Outomietvertrag no einisch verlengeret bis am 26.2. Morn muesi iz aber definitiv nach Christchurch und zrügg flüüge. Ig wirde gad diräkt a Flughafe fahre und zOuto det abgä.
Ig hamer lang überleit obi gliich söu nach Christchurch fahre und irgendwie ga hälfä dete. Ig ha die 2 Mönät ä wahnsinns ziit gha, und Kiwis (Neuseeländer) probiere eim immer irgendwie zHälfä. Drum hani dänkt das wäri e chance zum öpis zrügg zgä. Es isch eim aber heftigscht drvo abgratä wordä, ache zfahre. Drum hanis de doch losi.

Wie xeit. Ig ha übelscht viel erläbt & xeh i dene letschtä nur gad 2 Mönät. Neuseeland isch es wahnsinns Land. Es isch wunderschön, d'Lüüt si super lieb & hilfsbereit. Schwiizer chönntä no zimli lehre was das ageit. Und vorallem isches würkli gechillt hie. 5minute ufnes kaffi warte isch hie völlig normal. Es isch niemer im stress. Ufdr strass grüässisch enang. Und wendä öpär alächlisch, de smilet dä ou zrügg. Im Ladä ar kasse wirschde gfragt vo wo dä bisch, und nachdä Strasseboustelle isch immer äs Schild :"Works End- THANK YOU".
Ja klar giz ou negativi sache. Zum Bispil die viilä Dütschä , oder dSandflies. Oder die 2 Siitigi Iistellig wosi gägä über em Naturschutz oder ou ar Ernährig hei. Aber das si sache woni ou usdä USA kennä, und für mi drum nid allzu nöi oder frömd si
Neuseeland isch es Paradies. Ig bi vfroh isches so wiit wäg, süsch häts nomeh Tourischte. Und sLand würdi bestimmt viel vo sim charme verlüürä.

I'll be back!!! Definetly!!!!

"From the kiwi to the weka there is beauty to be seen
It is in every city and it's present in every town
We are land of natural beauty living beneath the southern cross
We are a nation of natural wonder and we are second to none

We are the nation of New Zealand
We will welcome you with open arms
For the pride of our great nation
will always be present in our hearts
The spirit of our nation
will always be present throughout this land
As we live as one nation united beneath the southern sun"

MILFORD SOUND
Ig ha für schön Wättär bättät. Würkläch! Woni ufgstange bi hez nid auzu schlächt usgseh, und ig ha afa hoffä. Am 10:00 hani de in Milford Sound „müässä" si. Ig ha ä Bootstour buechet gha düre Milford Sound. Us däm Grund bini de dr letscht biz vor strecki ou eifach dürägfahre ohni Stopp. Ufe Homer Tunnel bini rächt gspannt xi. Überall isch über dä gschribe worde, mä hätt chönne meine was fürne Tunnel das isch. Är sigi extrem schmal, steil, dunkle etc. Är isch gad mau 1,2km läng….nid extrem steil, 1 Spuurig und ok, ja. Verdammt dunkel. Ha chli müässä schmunzlä chömät mau id schwiiz mini liebe …..dFahrt isch aber verdammt (exgüse) mega schön xi. Riisä Bärgä und überall (wüws letscht nacht so gschiffät het) si Wasserfäll ach echo.
In Milford Sound achohani de ufs Schiff iicheckt und punkt 10:30 simer „in See gstochä" ufd Nature Cruise. Es isch WWOOOOWWW xi. Dr Mitre Peak isch leider chli ide Wulche xi. Mit 1'682m ischer dr höchsti Bärg vor Wäut wo diräkt usm Ozean ragt. Wunderschön. Super si ou dFairy Falls xi. Tämporäri Wasserfäll wome ä Rägäbogä drinnä het xeh. Es het immer meh uftoh und dr ganz himmel isch fasch blau xi. Wie geil isch das?! Es Rägnät hie a 200 Täg im Joohr. Wenns hie 5 Täg lang nid rägnät de isch das ä exremi trockä Periodä. Und ig ha eine vo denä Täg verwütscht.
Wüws aber so viel rägnät, und so viel Wasserfäll het, hetz obe ufem Salzwasser, immer ä 2-3m Schicht Süesswasser. Wüws letscht Nacht so viel grägnet het, isch die Schicht hüt 7m „dick" xi. Krass oder?! Ha no nie so öpis ghört. zWasser isch o ganz grüän xi. So sigi aber nur dSüesswasserschicht. Wemä när iz Salzwasser abe chömi de sigi zWasser ganz klar und blau.
Fasch am Schluss vo üsere Bootstour simer de no ine Wasserfall ine gfahre. Krass wie eim das ghuddlät het
Zrügg im Stedtli hani de no ä moment zPanorama gnosse und hami de irgendwenn ganz gmüätläch ufä 170km längi Rückweg gmacht. Es si def. Die schönstä 170km xi woni jemals gfahre bi. A jedem Egge hetz ä Wasserfall oder ä See gha. Mä isch dür Schluchte umringt vo Bärgä und Rägäwald gfahre.
Im Lonley Planet hani de gläsädases e Wanderig ufe „Key Summit" git (isch ou dr Afang vom bekannte mehrtägigä Routeburn Track).Vo det heigmä ä spektakuläri Ussicht. Bi scho überzüügt xi & somit losmarschiert.Und wider einisch isches Bärg ufä gange…. ) Deja Vù! Läck bobi, mini Oberschänkel hei um hilf gfleht (die cheibä hei gäng no weh ta vor angere Wanderig). Nach 2h ufä louffä bini de acho. *spring-hüpf-heul-jauchz-vor-mega-fröid* Botz verreckt das Panorama!!! Ringsumä Bärgä!Cindy=HAPPYYY!Nid nur das, det obä zoberst uf däm Bärg hetz ouno ä Moorlandschaft gha mitemne Seeli, wosech dBärgä drinne gspieglet hei. Ober affe geil! (Sorry Lüüt weni hie scho wider so schwärmä. Aber es isch würkli ungloubläch xi )
Nachdem ig das Panorma „ufgsugt" ha gha isches des wider dr ganz wäg zrügg abä gangä ;o)
Ufem Rückwäg mitem Outo nach TeAnau hani de no bim Mirror Lake gstoppt. Det hetsech aber nid würkli viel gspieglet und mä isch regelrächt ufgfrässä worde vode berüähmt berüchtigtä Sandflies.
Ungerwägs no X-mal gstoppt wüw dKulisse wahnsinn isch xi, hanis de doch no irgendwenn zrügg nach TeAnau gschafft
Völlig erschöpft vo au denä iidrück gniässä iz hie no mis Bierli…….

Queenstown -> Te Anau -> Lake Gunn
Ig bi am morge fi fasch blauem Himmel in Queenstown losgfahre. Bi somit am Wätter gägäüber relativ optimistisch xi. Ig ha ghofft dasi eine vo denä nur gad 150 Sunnetäg im Milford Sound verwütschä.
Über dFahrt det ane giz eigentli nid viel z'sägä. Ig bi 3h lang gfahre, drbi gad mau a ca. 5 munzig chliinä Dörfli verbii cho. Süsch isch nüt xi usser Natur. Ändlosi wiitine umringt vo Hügle. Je nöcher das Te Anau cho isch desto schlächter isch de ou zWätter worde. Würkli genau überem Fiordland Nationalpark si dWulke & (jawohl) dr Rägä ghanget. Süsch isch ringsetume blaue Himmel xi.
In Te Anau acho bini de dMainstreet up and down gloffä. Do drbii hani de gmerkt das i dere Region Flip Flops, Shorts, Tshirt und Sunnebrüllä nid funktioniere…… Ig darf chappä alege im Summer!!!! Wie geil isch das bitte!?!
After däm Stadttüüli hani de dänkt ig fahri no gad chli wiiter in Nationalpark inä damitig morn am morge nid allzu wiit muess fahre. Somit bini de öpä 2/3 vo denä 170km Wäg gfahre und hami de am Gunn Lake parked zum übernachte.
Leider hez zimli gstürmt und gschiffät. Drum höckli iz scho sitem vieri am namitag im Jimbo. Due schriibä, läsä und DVD luege…..hoffentli isch morn schön, ig wot usä!!!

Nachdäms gestern o grägnet het, isch hüt wider z' schönste Wätter xi und relativ heiss. Am morge wo dr Ranger (ke seich!! ) isch cho z' schlofgäld iikassiere, hanine de gfragt weli Wanderroute dasi söue mache. Är hetmr de dr Ben Lomond Track empfohle. Mi heigi vo det die schönsti Ussicht. Ig ha am Afang dänkt gha, die Wanderig sigi vilicht chli z'heftig für mi. I aune Reisefüährär wirdmä gwarnt mä söusä uf kei fall ungerschetze. Mi müässä würkli sehr gueti Fitness ha uso. Ig hamer de vorgno s'bis ufä Sattel, nid bis ganz ufä spitz, z'schaffä. DAS wär de gad chli heftig
Auso bini losmarschiert in Queenstown. Es isch am Afang extrem steil obsi gange dürä Waud. Zersch isch dr Wald ganz grüän und „saftig" xi mit vilinä Blüämli. Plötzläch hets de gwächslät und dr Wald isch wie abgstorbe, ustrocknet xi. Nur no Nadle am Bode, keini Blüämli u kei Gras meh. Aber…..unzähligi Flöigäpilzä!!! Grossi, chliini, dicki, dünni. Sooo vili. Ig ha gmeint ig spinnä. Nach ca. 1 ½ h bini de usem Waud usä cho. Ar sunne isches de geng wiiter ufe, immer nur ufä(!!!) gange. Ig ha dänkt ig schaffä das nie. Nach öpä 2h ufä louffä heimr de no d' Schueh afa weh tue. Ha beisiitig ä Blaatere übercho s***! Ig bi würkli druf u dra xi umzkehre. Hamr aber när dänkt, das anderi mit abgfrornä Zäiä ufä Mount Everest louffä. De wird ig wohl mit äs paar Blääterli uf 1400m oder so schaffe. Don't be a chicken!!! Düräbissä!
Nach 3h bini de ufm Ben Lomond Sattel acho. Wasi det xeh ha hemti mini Schmärzä gad la vrgässä. Berge ringsumä. Ufdr einte Siite hetmä de no ufe Lake Wakatipu und Queenstown abe xeh. Sweet!!! :oD Total ufpumpt vo däm hammer panorama hani de no gad düräzogä wiiter ufä richtig Bärgspitz. Es isch würkli brutal steil ufä gange. Irgendwenn, ca. 10min. vorem Spitz, isch aber de nümme gange. Nid wäg dr Fitness, sondern wüw mini Höhäangst iigsetzt het. Ig bi angers wiit obe xi. Ischmr angers worde, gummigi Bei etc. z'ganze Programm. Ig ha gwüsst dasi kei Schriit meh wiiter cha (jajaaa Mami muesch gar nid dr kopf schüttlä ;o) Drum hani de umkehrt u bi retour gloffe.
Bi aber trotzdäm zimli stolz xi hanis bis det ane gschafft Yeah Man!! Jo, denn isches dr gliichi Wäg wider 3 ½ h abe gange- chnöischnatteri Ahoi!
Nach zimli gnau 6h bini de, fasch ufdä chnöi, bim outo acho. Isch e wunderschöni Wanderig xi, aber ou genauso asträngend. Trotz allem xehtmä ungerwägs de tobe die, usrüstigs Technisch, fragwürdigstä Gstaltä.
Jo, nachdäm Monsterprogramm gönnimer hinech e Nacht ufem Campingplatz mit Duschi…..=Luxus! :o)

Fox Glacier -> !!! -> Wanaka -> Queenstown
So hüt isch e Tag xi........
Am morge woni zVorhängli zoge ha hani gmeint ig spinne. Strahlend blaue Himmel und Sunneschiin! Merci!!! Tja. Ig bi losgfahre Richtung Haast Pass. Gad vorm Pass hanide gstoppt zum go dThunder Wasserfäu aluege, was ganz schön isch xi. Das mit däm Pass isch ou sone sach. Vor Schwiiz gwöhnt, das die so um die 1000m oder höcher höch si, hanimi da uf weiss nid was iigstellt. Dr Haast Pass isch aber gad mau uf 560m. Ufe isches irgendwie nie würkli gange Schön isches aber natürläch gliich
Während dr fahrt hani gmerkt das irgendöpis komisch isch miter Schiibe a mire Schiebetüüre. Da ig det usse ir Bampe kei Natel empfang gha ha, hani dänkt ig göngi de in Wanaka ine Garage das go zeige. Ig bi de a Lake Wanaka cho, wos es super Panorama het gha. Ig ha de bire „Ushaltstell" ar Siite vor Stross, aghalte zum Fotis mache. Gad woni zrügg bi cho zum Outo hez ufzmau e hölle Knall gä. Schärbi si dür dLuft gfloge. Ig ha zersch gmeint es sigi Steine. Woni gluegt ha was passiert isch, hani xeh dasmr bir Schiebetüre die ganzi Schiibä fählt. What the *D"ç%&&!?!? Unglöibig bini det gstange…..überall schärbi! Ha fasch überbissä. Wüw ig kei Natel empfang ha gha ischmr nüt angers übrig bliibe aus zerscht mau wiiterfahre. Aus erschts hani de am AA (TCS) tel. die hetmr aber xeit ig müesse Spaceships tel. Also hani das gmacht.Die heimer de e Garage gfunge in Queenstown woni härä ha chönne. Da ig zimli „freaked out" bi xi, bini ohni Stopp gad düregfahre nach QT (nomau gueti 2h). Natürläch hez de ungerwägs ouno afa rägnä Wär ja süsch längwilig xi.
Woni de ir Garage Smith&Smith bi acho, si die zimli baff xi dasi scho da bi. Die hei ersch morn mit mir grächnät. Ah voilà. Damit das ganze es bitzli billiger chunnt bini de säuber los god Schiibe hole ire angere Garage :o( Super. Cindy auf der Suche nach Autoscheibe in Queenstown. :o/ ischmr ja öppis xi. Anyway. Nachere Stung hani de wider aui Schiibä gha, und $300.- weniger im Portemonnaie.
s*** happenz. Erliechteret hani iz drfür chönne Queenstown erkundä. Wüws aber immer no grägnät het bini nur bis ine Coffee Shop cho.
Queenstown het um die 11'000 Iiwohner und isch zAdventure Capitol of the World. Es git nüt wo crazy & adventurous isch wome hie nid chamache. Hie isch ou Bungee Jumpin' erfundä wordä. zZentrum vor Stadt liigt diräkt am See. Es isch wunderschön, mit ganz viilnä chliinä Lädäli & Restaurants. Haut eifach voll Touristisch. Bsunders dPromenade am See isch es Bijou. Det chame das super Bärgpanorama so richtig gniässä.
Am spätä Obe hani de zStedtli verloh richtig Bärgä zum Schlofplatz. Dr DOC Campingground Moke Lake.6km ufdr Hauptstrass u no einisch 5 km überne unteereti Strass am Bärg ufe, chunntme zu däm chliine Paradies. dNacht hie kostet ganzi $23.- weniger aus ufm Camping ir Stadt….und isch 1000x…nei 100'000x….nei 1'000'000x….(dir wüsst wasi meine ) schöner!
Ha mis Glück chum chönne fasse das Plätzli gfunge zha! Und das gniässä iz no chli…..die schönä Bärgä….

Fox Glacier -> Glacier Walk……….oder so……..
Die Region woni ize bi, derä sägä d'Kiwis ou „Wild West"…..werum das so isch das hetsech hüt zeigt.
Aber alles vo vore.
Es het angers gschiffet. Scho dür dNacht. Am morge woni de ufgstange bi hez immer no abäglärt wie blöd. Ha no dänkt ob si äch dWanderig absägä. Ig hami aber warm agleit,d'Wanderschueh, Rägächleider u Chappä montiert und bi loszupft zum Zentrum. Det hetis üsä Guide, d'Alyssa, mitde nötige Infos & Material usgrüstet. Per Bus simer de zzum Afang vo üsere Tour chauffiert worde. zWasser im Gletscherfluss isch nur so a üs verbii donneret. Es het immer no abägchesslet wie gstört. Mir redä hie nid vo rägnä- Gschüttät hetz! Nichtsdestotrotz simer losmarschiert. Si ja schliesslich herti cheibä
Uf zmau, nach ca.10min. louffä hez de so schreg obe/hinger üs afa boltärä, da het d'Alyssa ouscho afa bäägä. Isch e riese Steinlawine obe ab echo Genau übere Wanderwäg wosi vornes paar Täg no düre si. Toll. Mir si de chli bliibe stah u hei däm ganze zuegluegt. Nachdäm mr wiiteri 10min. gloffä si, simer de wider nümme wiiter cho. Dr Wäg isch dürne Fluss ungerbroche xi. E anderi Gruppe isch det e haub Stung vor üs no düre cho….. sprich dä riisänd Fluss isch denn nonid det xi. E angere Guide isch no cho luege obs irgend ä Wäg git zum üs det übere bringe. I däm moment isch ufdr angere Siite wider e Steinlawine abecho. Lüt, langsam hetsmr nümme gfauä!
d'Alyssa isch de zrügg cho & hettis xeit mir müässi dTour abbrächä, es sigi viel zgfährläch. Ig bi gad chli froh xi. Mä seit ja so schön "never f&%ç* with mother nature- she'll always win!" Ganz zügig heimer de müässä zrügg louffe. Dr Fluss isch vo minute zu minute höcher worde und het droht dr ganz wäg wäg zspüählä. Mitem Bus simer aber de sicher zrügg id „Base" gfahre.
Nachemne Käffäli mitdr Gruppe bini de nomau zrügg zum angere Gletscher, Franz Josef, gfahre…..and guess what happend with the weather…..exactly!!! Am namitag am 3 isch strahlend blauä Himmel xi. Aaaaaahhhhh!!!!!!! Muetter Natur hettis voll verarscht!
Tja, machemrs halt z'nächste mau. Und scho heimer e wiitärä Grund zum wider cho….

Punakaiki -> Hokitika -> Franz Josef Glacier -> Fox Glacier
Am morge bini zersch gad d'Pancakerocks in Punakaiki go a luege. Die Steifragment heisich vor ca. 30 Millione Jahr gformt. Hüt xehts us wie ganz vili Pancakes überenang gschichtet (Pancakes isch immer guet ) Es het sogar es paar Blowholes wo zWasser nur so useschiesst. Wahnsinnigi Wäue donnere ad Küste. Guet Nacht wendä da driigheisch. Ha schön upasst woni louffe- ig wo geng stogglä Ig ha det im Park no es härzigs elters Ehepäärli us Südafrika troffe. Nach däm schönä Spaziergang bini de wiiter gfahre dür Greymouth nach Hokitika. Hokitika isch THE Place für Pounamu (http://de.wikipedia.org/wiki/Pounamu) z'chouffe. Und genau das hani ou vorgha. Bi de vo eim Lädeli iz angere. Das hetmr aber aues nid passt. Ischmr alls so Massewahre & voll Touristisch inecho. Auso hani mi Lonley Planet um „Rat bättä". Dä hetmi de zum Aden Hoglund „Jagosi Jade" gfüährt. D'Adrässä im TomTom iigä, hetmi das aber de us dr Stadt use ines Wohnquartier gfüährt. Ig ha de dänkt das cha ja NIE stimmä! Scheiss Technick. Und denn plötzläch hani aber de bimne Huus es Schild xeh. Ha parkiert und bi ga luege (gaaanz vorsichtig ) Imne Schüppli ischs Attelier xi wo 2 Manne am schaffe si xi. Ig ha de dr einti (nur eifach so us neugier) gfragt wie tüür dases chämi dä Ahänger la zmache wo ig wet. Churz überleit heter de xeit das chämi uf $60.- Wow!!! Ig ha gar nid überleit u xeit är chönn gad afa Mir si de churz zämä ghöcklät, ig ha ihm xeit was fürnes Design und welä Stei dasi möchti. Nachere Stung isch dr Ahänger fertig xi, genauso wienis vorgstellt ha. Wie geil isch das!!
Häppi bini de wiiter gfahre Richtig Gletscher. In Franz Josef acho bini de aus 1. Wider iz i-Site mi go informiere wasi chönnti ungernä. Dr Plan isch xi entweder e Helikopter Flug überd Gletscher oder e Gletscherwanderig. Ig hami de für die ganz Tägigi Wanderig übere Fox Gletscher entschidä us Wetter Gründ. Die wird o bi rägä dürägfüährt (morn wird's rägnä) und sältä abxeit.
Wo das isch buechet xi bini de no die 20km wiiter gfahre zum Fox Glacier. Do schlofi iz hinech. Ig ha hie vori übrigens die 2 Südafrikaner no troffä So chani morn gad dürästartä…

Nelson -> Blenheim -> Kaikoura
Ig bi richtig Blenheim gstüüret. Das isch so DIE Wiiregion hie in NZ. Ig weiss das iz alli dänke ohooohhh!!! Aber nein! Ganz vernünftig (mitemne Blick uf mis Budget ) bini ohni azhalte düre gfahre richtig Kaikoura.
Vo ca. Wharanui a ischme de bis nach Kaikoura aues ar Küste nache gfahre, was (wider) extrem schön isch xi. Mäh et de ungerwägs immer wider Seelöiä xeh bim sünnele am Strand. Am einte Ort hetz sogar ä Ussichtsplattform gha, wome e ganzi Kolonie het chönne beobachte. Sogar ganz vil jungi hetz gha. Jjjjöööö!!!
In Kaikoura acho, bini de aus erschts gad iz Whale Watch Center. Ig ha unbedingt wöue ga Wale luege. Isch aber uscho das sone Tour $145 kostet. Das ischmr gad chli viel xi. No schlimmer sie aber die viiiiiilä Lüüt xi und nomeh ching Hui nei. Furchtbar. Drum bini gad wider abghuscht und d'Wales müesse haut warte
Ha de dänkt ig göngi nochli gads Stedtli aluege. Leider isch ou das eher enttüschend xi. Kaikoura isch munzig & nid würkli charming.
Bi drum nume churz det blibe und de gad wider wiiter gfahre nach Goose Bay zum übernachte. Ig hamer die billigsti Option usegsuecht, und dasmau hez de ou drno usgseh Isch zwar gad diräkt am Strand xi. Aber uf dr angere Siite nur vo Büschli trennt isch de o gad die vil befahrni Stross xi und d'Iisäbahnlinie. Hami nid gad sicher oder wohl gfüählt det. Drum bini de o mitem Schlüssel ir einte und mitem Schwiizersackmässer ir andere Hand iigschlofä
Läck binig froh xi wo wider morge isch xi…….

Goose Bay -> Hanmer Springs -> Greymouth -> Punakaiki
Potz blitz. Hüt isch wider e mega Tour xi. Vom „wunderbare" Campingplatz isches de nach südweste gange nach Hanmer Springs. Das isch es Spa- Village die „Bärge". Det acho bini gad dirkäkt iz Hanmer Springs Thermal Pool & Spa. Ide Thermalbäder de tisch NUR vor Natur gwermts Wasser. Sprich zWasser chunnt scho so heiss usdr Quelle. Si müesses sogar abechüählä dases nid zheiss isch. Ganz speziell si d'Sulphur Pools, wo stinkä wie fuuli Eier Die ganzi alag isch übrigens dussä!!! Isch nid gad warm xi & grägälät hez ouno-sprich isch definitiv nüt für Chickens!
Nach 2h det hie ischmr de längwilig worde und ig ha wiiter wöue. Hanmer isch ganz es chliisäs, härzigs Bärg Stedtli/Dörfli. Bi det denochli umegloffe u de glii wiiter zoge.
Dür ändlos schiinändi wiitinä, Rägäwaud ähnlächi Wäuder, verbii a Riisä Hüglä, scho fasch Bärgä, isches übere Lewis Pass gange. Es isch wunderschön xi. So viel Natur und wiit u breit kei Mönsch. Geil.
Nach es paar Stung fahre bini de ar West Coast acho in Greymouth. Das isch sone richtigi „Arbeiter- Stadt". Het drum ou dr entsprächendi „Charme" Dr Campingground det hetmi nid gad agsproche. Drum hani uf mim TomTom gluegt wie wiit Punakaiki entfernt isch….nur gad 45min!!Piece of cake! Also det ane- ir hoffnig dases det schöner isch. D'Fahr isch alles ar Küste noche gange- Bombastisch!! Woni de acho bi hani de ufmne härzigä Campingplatz es Plätzli gfunge. Dä isch sogar dirkät am Strand xi woni e super Sunneuntergang ha chönne beobachte. Hetsech glohnt….

Nelson -> 1st Kite Sufrin' Lesson!!!! :oD
Nachdäm ig gester ä gmüätlächä Wandertag ir Stadt/Region Nelson ha iigleit ischs hüt angers abgange. Aaahhh!!!! Ig bi ja so närvös xi hüt am morge. Schlofä hani vor ufregig fasch nid chönnä! Was wesmi tatsächläch drfo luftet?? Jo. Am 11:30 isches de ufaufäu so wiit xi. Zrügg hani nümme chönnä. Ig bi a üse Träffpunkt a Strand gfahre. Det hani de zersch mou no 2 Schwiizer kenneglehrt- wo am reise si & är ou iz gad het afa Kite.
Und denn hani mi Instruktor kenneglehrt, dr Dev. Wie söume sech da bitte no ufe Kite konzentrierä?! Jänu. Fokussiere isch axeit xi Mir si de zämä a Strand und det hetermr de in Rueh alles schön erklärt.
Es isch u nid eifach und mäh muässäch würkli konzentriere damit eim das Ding nid irgendwo hii schriisst. Es het aber wahnsinnig spass gmacht.
Nach mire Lektion bini de mitde angere Schüeler no am Strand ghöcklät und hei zämä dene zuegluegt wos chöi.
Jo äbä am obe simer de zum Barbecue am Strand mitdr ganze Kitesurf- Gruppe. Es si aues Kite-Surf schüeler xi usdr Schwiiz, Holland und Dütschland. Super spass!
Nachem brätle simer de aui zämä zum Freedom Campingground gfahre und hei det übernachtet.