Es paar Luschtigi Fakte Zude Malediive.....ä
Die weltwiit erschti Parlamentssitzig UNTER Wasser
Um Ufsehe z’erregä im Kampf gägä Klimawandel isch idä Malediivä im 2009 Wäutwiit die erschti Parlamänts Sitzig unger Wasser ghaltä wordä.
Malediive si z’flechschte und niidrigschte Land vor Welt.
Durchschnittlächi Landeshöchi isch 1.5m über Meer, dr höchschti Punkt, ä Ort uf dr Insle Vilingili isch 2.3m, und isch somit dr niidrigschti höchschti Punkt wäutwiit.
Chliinschte Muslimische Land weltwiit
Malediivä si bekannt für intoleranz in sache Religion. Malediivischä Grundgsetz isch 1997 gschriiä wordä, dert isch ou festgleit das Bürger müässä Muslims sii- es isch verbotä are andere Religion azghörä weme dr Malediivisch Pass besitzt.
Jedes Element ir Malediivische Flagge het e Beduetig
Dr Halbmond steit fürä Islam, z’Grüän repräsentiert Palmä, und z’Rot symbolisiert z’Bluät vergossä vo Malediiischä Heudä.
Malediiver si absolut Fuessball verrukt
Mitdä Malediivä nur us Sand bestehend und sehr limitiert was Platz betrifft schiint das doch eher sehr luschtig, isch aber so……Malediivär si absolut Fuessball verrukt. Si bliibä die ganzi Nacht wach um z’Spiel fom Lieblings Team in Europa z’luägä. Si traage Trikots vom Lieblingsteam oder male sogar dLogos ad Muurä i ihrem Dörfli.
D’Kokosnuss wo e Wahlkampf manipuliert het
Viili Malediivär hei ä starchä Gloubä in übernatürlichs, bsunders i Wiisi- und Schwarzi- Magie. Im Septämber 2013, isch ä Kokosnuss vor Polizei inhaftiert wordä nachdäm sie sich während dä Präsidäntschafts wahlä „uffällig benoh het und bim Wahlbüro umäglungärät isch“. Die beschuldigti jungi Kokosnuss wo vorem Wahlbüro isch gfungä wordä isch somit de ar „Wahl manipulation“ beschuldigt wordä.